Gerd Platt is, wo ok Käpt'n Cordts een Pseudonym.
As ik so vör 12 Johr anfung'n bin met dat Plattdüütsche, ik heff vun mien Frünn, Adolf Wohlers , dat is ok een Schrieversman, sien' Vertellers un Döntjes in mien Computer geven. Dor wör in "Debs"=Debstedt, is 'n lütt Dörp bi Langen/Bremerhob'n= Ünnericht in Platt anpries'n un de Schoolmeester wer un is ok hüt noch düsse Gerd Platt. Jou, ik heff twee mol soss Avende dor seet'n un heff Platt studeert, dat heff mi good doon un in mi de Lust vörbrocht mehr met Platt
to doon. So heff ik mi dann de Wremer Plattsnackers, vun de Heimatverein Wremen, anslot'n un dor snack'n wi dann ornlik Platt un lern ok noch wieder. Wi dreep'n us all veer Week'n in dat moi inricht Wattenfischermuseum. Mennigmol dreep'n wi us ok bi een vun de KLönsnackers un mook'n us dor een good Tied bi't Grill'n, avers wi snack'n jümmers Platt. Un ok Gerd Platt
schreev Vertellers un aff un an ok mool 'n Döntje un ik leern ok bi em noch veel Platt. Avers dat warst jo ok noch mark'n, he snackt 'n gaanz anners Platt as ik, he kommt jo ok ut Ostfreesland!



Un nu vertellt Gerd Platt



Kohl un Pinkeltour


Up een Kohlfahrt annerlesd na Beers hefft wi na de Singwies „De tro Husar" dit Leed sungen:


Kummt de Gröönkohl in de Pott,

Königsproklamotion un Danz bit Klock dree. Wi wull'n grad in'n Bus instegen, do wull een frömme Mann, de aver veel drunken harr, mit uns avsolut na Bremerhoben fahren. Na ja, wi hefft em mitnohmen. De Veenstraat, see he, wer sien Tohuus. As he dar utsteeg, kein he tosück. "Mann wat heff ick maakt? Mien Frau un ick sünd ja in Beers vör een paar Daag un höden bi uns Kinner in. Ich mutt wer torüch na Beers. Ick bün in'n Kroog ween un heff een'n toveel drunken, nu bün ik hier, wat mak ick blot?" De Naversch keem up eenmal rut, se wer van de Larm woll munter worn. Hannes, ik heff doch een Slötel van jo, du kannst rin. Un denn pingelst in Beers bi dien Frau an, darmit see weet wor du aff bleven büst." Duuknackt is he in't Huus gahn. Wat de woll to hören kregen hett? Ohaoha.

Gerd Platt




<<<<<<<<<<<<<<<<<<<>>>>>>>>>>>>>>>>>>>


Gesetz is Gesetz


De Düütsche Bundesdag hett beschloten: Van de eerst Dezember 1998 an Düütschland de "Europäische Charta van de Regional  un Minderheitenspraaken bitreden. Un disse Ver- trag gellt ok vör de platt düütsche Spraak. Van de eerste Dezember an mutten all Amten plätt- düütsch Brefeven nich blot annehmen. Ok na Mööglichkeit up Platt beantworten. Dat gelt sowat vör acht Millione Lüü'de in Meckelburg-Vörpommern. Schleswig-Holstein. Bremen Hambörg un deelwis in Nordrhein Westfalen, Sachsen   Anhalt un Brandenbörg leven. Dat nee Gesetz gellt ok vör Gericht. In de Kinner-gordens, up de Schoolen un Universitäten sall Neederdüütsch anboden warden. "Ran an de plättdüüsche Spraak,' dat seggt ok Dokter Clus Schuppenhauer, de Baas van dat Institut vör nedderdüütsche Spraak in Bremen. Un ick 'hev dat utprobeert. In'n Landkreis heb wi een lüttet Weekendgrundstück un das mutten wi ellker Jahr dörtig Mark Stüüreen vö betaallen. Dat hett ol immer klappt. Ick kreeg eer Bescheed Van de Gemeen un denn wur dat afbucht Aver eenes Daags sünd w umtrucken na Geest-münden. Dat hev ick dat Amt mitdeelt. Aver de hevt dat nich indraagen. Dree Jahr kein de Bescheed an uuse oole Adress. Ellkei Maal hev ick mi denn meld, dat de Adress

nich stimmt, Un do wur mi dat toveel. Ick hev up Platt an de Börgermeester schreven : Ov dat so swaar weer de Computer bitobringen, dat he mien Adress richtig in sien Spieker upnehrnen kunn. Un sietdem krieg ick de Bescheed na Geeste-münden.

Ja leeve plattdüütsche Frünn, versöökt dat ok man, wenn mit dat Amt nich torecht koomt, denn schrievt ov schnackt up Platt, So as dat up de Tung liggt. Na dat Gesetz köönt wi dat nu ja. Un Gesetz is Gesetz.